السلاااااااااام عليكم
أنا أخوكوا محمد طالب طب مؤقتا ً كدة لمدة 7 سنين ((ميش كتير يعنى ))وطبيب مستقبلى ان شاء الله
أنا أخوكوا محمد طالب طب مؤقتا ً كدة لمدة 7 سنين ((ميش كتير يعنى ))وطبيب مستقبلى ان شاء الله
وانا من ام الدنيا ...حضرت الثورة ووقفت فى اللجان الشعبية واطحنت فى الثانويه وعديت الامتحانات بكامل قواى العقليه –على ما اعتقد – وقلت (لع) على التعديلات الدستوريه وبكل تاكيد ميش من اللى بيحبوك ياريس
حبيت اتكلم معاكم عن مجتمعنا ..!!!
إيه رأيكوا لو نشوف مجتمعنا بنظرة تانية...نظرة مختلفة.. مجتمعنا إيه هو؟؟ .
عامة...إحنا المفروض اننا مجتمع مسلم عربى شرقى((أوعى))..
..دا المفروض لكن الحقيقه اننا بقينا سلطه من دا على دا
يعنى مثلا...الفرانكوا أراب...أكتب عربى بالإنجليزى وأتكلم من الشمال لليمين
زى ما تقول كده مش راسيين على حال... ولا محصلين عربى ولا إنجليزى
أفتكر لما أقول كلمة شرقى ألاقى الشنبات عرض متر فى متر والشهامة تملى برميل والشجاعة تهد جبال
_طبعا مع الإعتذار لإعلان قطونيل_
طب إيه رأيكم فى مجتمع مسلم..؟؟؟
إحم...ببساطة مجتمع مسلم يعنى مجتمع جوهرة ومظهرة مسلم
تبان عليه "أخلاق ومظاهر " الإسلام...وتكون الاخلاق والمظاهر نابعه من ذات المجتمع وقلبه ميش مجرد دعايه لاى غرض ايا كان ...
فلما تلاقى واحد مربى دقنه ميبقاش شاذ عن قاعدة المجتمع ده...
أو تلاقى واحدة لابسة نقاب او حجاب كما يفترض ان يكون ((ميش حجاب الموضه وحجاب النص كوم ده والناس اللى متحجبة من فوق وتحت لا )) متبقاش شاذة عن المجتمع ده...
إنما ما شاء الله -ولا حسد يعنى- دلوقتى اللى يقلع أكتر..يبقى مودرن أكتر
ولا الناس اللى تقولك :"أتقى الله يا شيخ ...الدين يسر مش عسر...ربك رب قلوب يا اخى ...ساعة وقلبك وساعة لربك"
المشكلة أنهم أصلا متساهلين فى مبادئ الدين...والمصيبه انهم مقتنعين ان دا الصح
إحنا مجتمع مسلم بصحيح...لكن مفيش ولا فيلم او مسلسل على مدار السينما والتلفزيون المصرى جاب أى حد بدقن بصورة طبيعية حتى ..هو .يا إما شهوانى يا نصاب يا بتاع كلام
لدرجة إنى أول مرة أروح الجامع وأشوف واحد بدقن....سلم عليا وضحك كمان...أتخضيت جدا وقلت هو الراجل ده سلم عليا ليه..؟؟
هو ضحك ليه..؟؟
لا تكون دى إشارة إنى أخش معاه الجماعة..؟!!
وفضلت يجى أسبوعين خايف أروح الجامع ده تانى..!!
وعليكم السلام ورحمه الله وبركاته
ردحذف(عربى وبيسمع غربى ) جمله رائعه اعتقد انها تعبر عن حال مجتمعنا المحزن فى هذا العصر
فاصبحنا كعرب ومسلمين لا نمت لعروبتنا واسلامنا بصله
عرب الجيل الحالى يحاولون التخلص من عاداتهم وتقاليدهم التى فى اعتقادهم قيد على حريتهم وابداعهم
يعتبرونه تخلف ورجعيه ومثير للسخريه ولا ينظرون لانفسهم
فهم اصبحوا كالتائهين لا يقبلهم المجتمع العربى لانهم شاذون عنه ولن يقبلهم مجتمع الغرب لانهم ليسوا منه
ينظر اى عجوز حوله فيشعر بالغربه بسببهم وهو بين اهله وفى بلده
اصبحت المنقبه والمحجبه كما يفترض ان يكون الحجاب معقده نفسيا ولا تشعر ببهجه الحياه ولا تفقه شيئا فى دينها فالدين لا يعرفون عنه الا انه يسر وليس عسر
واصبح الملتحى على سنه رسول الله ارهابى يخشى الناس حتى من ابتسامته
مقدمه رائعه تبشر بالعديد من المدونات المتميزة
تحياتى