ماتشك عند حلاقك..!!

أوعى تتفرج على الماتش...فى البيت!!!

عارفين إحساس إنك تكون الفريد من نوعه إللى ميعرفش خالد بيبو فى الأهلى ولا فى الزمالك..!!
طبعا ناهيك عن تريقة أصحابك عليك...مش عارف ليه...؟؟!!
بس دى طبيعتى...أعد ساعتين أدام حاجة بتنرفزنى...ده إيه الفكاكة دى!!

غير كده أكتشتفت مميزات تانية كتييييرة لما متكونش بتاع ماتشات.!!
^_^
*أولها إن لو عندك مشوار بياخد تلات ساعات ...هتخلصه فى نص ساعة...لأن المواصلات بتبقى فاضية ...والطريق بيبقى فاضى...

وغير كده الموظف أو اللى واقف فى المحل مش بيبقى وراه حد غيرك.
^_^
*ممكن كمان تروح تحلق وتتفرج مع الحلاق على الماتش وده فيه فايدتين...
الفايدة الأولى::مش هيعد يرغى معاك..!!
والفايدة التانية::مش هتلاقى عنده حد أصلا...!! -بس خلى بالك من ودنك لو الكورة جت فى العرضة-..

لو بتروح جيم...روح فى الوقت ده...هتلاقى اللعيبة كلها واقفة قدام التلفزيون وأنت الوحيد اللى رايح جاى والحديد ملكك ولا حد يقول لك هأخد دور ولا حاجة...

لكن أنصحك-والنصيحة لوجه الله-لو كنت ماشى فى الشارع وشفت قهوة...متسألهمش مين اللى بيلعب ضد مين...أو أستحمل بقى يا معلم!!!

بكل بساطة أنا حابب أقول إن حياتنا بتخلص من غير ما نعرف فى حاجات بتزيد عن حدها!!
يعنى ساعتين قبل الماتش متوتر وبتشوف مين اللى نازل ومين اللى طالع ولا كأنك والدة واحد فيهم...
وساعة الماتش تتقن عملك على الآخر وتوجه إرشادات ولا كأنك نابلوين فى معركته..وبعد الماتش ترتاح شوية من الضغط العصبى ...وبسرعة تروح تشوف تحليل الخبراااء بخصوص الحكم والحكام وتتعصب أكتر..!!

الحكاية دى ممكن تبقى مبلوعة لو إحنا بنتقن كل شئ فى حياتنا فبالتالى هنتقن تشجيعنا...إنما نأخذ من حق كل حاجة فى سبيل حاجة مش هتفيدنا دين ولا دنيا((إيه كمية الحاجات دى))!! 

طبعا أنا بدعوكوا دلوقتى أنكوا تتفرجوا على الماتش عند الحلاق أو فى الجيم أو فى محل الراجل إياه!!

أتفضل برجلك اليمين :")

السلاااااااااام عليكم
أنا أخوكوا محمد طالب طب مؤقتا ً كدة لمدة 7 سنين ((ميش كتير يعنى ))وطبيب مستقبلى ان شاء الله 

وانا من ام الدنيا ...حضرت الثورة ووقفت فى اللجان الشعبية واطحنت فى الثانويه وعديت الامتحانات بكامل قواى العقليه –على ما اعتقد – وقلت (لع) على التعديلات الدستوريه وبكل تاكيد ميش من اللى بيحبوك ياريس
حبيت اتكلم معاكم عن مجتمعنا ..!!!
إيه رأيكوا لو نشوف مجتمعنا بنظرة تانية...نظرة مختلفة.. مجتمعنا إيه هو؟؟ .
عامة...إحنا المفروض اننا مجتمع مسلم عربى شرقى((أوعى))..
..دا المفروض لكن الحقيقه اننا بقينا سلطه من دا على دا
يعنى مثلا...الفرانكوا أراب...أكتب عربى بالإنجليزى وأتكلم من الشمال لليمين
زى ما تقول كده مش راسيين على حال... ولا محصلين عربى ولا إنجليزى
أفتكر لما أقول كلمة شرقى ألاقى الشنبات عرض متر فى متر والشهامة تملى برميل والشجاعة تهد جبال
_طبعا مع الإعتذار لإعلان قطونيل_

طب إيه رأيكم فى مجتمع مسلم..؟؟؟
إحم...ببساطة مجتمع مسلم يعنى مجتمع جوهرة ومظهرة مسلم
تبان عليه "أخلاق ومظاهر " الإسلام...وتكون الاخلاق والمظاهر نابعه من ذات المجتمع وقلبه ميش مجرد دعايه لاى غرض ايا كان ...
فلما تلاقى واحد مربى دقنه ميبقاش شاذ عن قاعدة المجتمع ده...
أو تلاقى واحدة لابسة نقاب او حجاب كما يفترض ان يكون ((ميش حجاب الموضه وحجاب النص كوم ده والناس اللى متحجبة من فوق وتحت لا )) متبقاش شاذة عن المجتمع ده...

إنما ما شاء الله -ولا حسد يعنى- دلوقتى اللى يقلع أكتر..يبقى مودرن أكتر
ولا الناس اللى تقولك :"أتقى الله يا شيخ ...الدين يسر مش عسر...ربك رب قلوب يا اخى ...ساعة وقلبك وساعة لربك"

المشكلة أنهم أصلا متساهلين فى مبادئ الدين...والمصيبه انهم مقتنعين ان دا الصح
إحنا مجتمع مسلم بصحيح...لكن مفيش ولا فيلم او مسلسل على مدار السينما والتلفزيون المصرى جاب أى حد بدقن بصورة طبيعية حتى ..هو .يا إما شهوانى يا نصاب يا بتاع كلام
لدرجة إنى أول مرة أروح الجامع وأشوف واحد بدقن....سلم عليا وضحك كمان...أتخضيت جدا وقلت هو الراجل ده سلم عليا ليه..؟؟
هو ضحك ليه..؟؟
لا تكون دى إشارة إنى أخش معاه الجماعة..؟!!
وفضلت يجى أسبوعين خايف أروح الجامع ده تانى..!!